Dogfennau Cysylltiedig
Os ydych yn byw ym Mlaenau Gwent ac yn 16 oed neu drosodd ac yn ei chael yn anodd cadw eich cartref, mewn risg o golli eich swydd, angen symud neu angen help i drefnu eich arian - gallai Tîm Cefnogi Pobl gynnig cymorth i chi.Ìý Nid ydym yn codi tâl am ein gwasanaeth drwy'r Grant Cymorth Tai a ariennir gan y Gwasanaethau.
Nod y Grant Cymorth Tai yw atal digartrefedd a helpu pobl i ddatblygu a chynnal y sgiliau angenrheidiol i fyw mor annibynnol a hunan-ddigon â phosib. Nid oes cost am y gwasanaethau hyn.Ìý
Mae'r pethau a allai achosi i chi golli eich cartref y gallem eich helpu gyda chi yn cynnwys:Ìý
- A ydych yn gorfod talu mwy am fyw yn eich cartref?Ìý A oes gennych ôl-ddyled nawr oherwydd hyn?
- Ydych chi angen help i gysylltu â phobl, eich landlord neu asiantaethau eraill?
- Ydych chi'n ei chael yn anodd cael eich landlord i wneud gwaith trwsio?
- Ydych chi angen help i ganfod cyflogaeth, addysg neu leoliadau gwirfoddol?
- Ydych chi'n ansicr faint o incwm y mae gennych hawl iddo.Ìý A oes arnoch arian i unrhyw un?
- Ydych chi'n ei chael yn anodd llenwi ffurflenni neu ddarllen llythyrau?
- Ydych chi'n gwybod beth yw eich hawliau fel tenant?
Os credwch y gallech chi neu rywun yr ydych yn ei adnabod cael budd o gefnogaeth yn y meysydd hyn neu feysydd eraill, cysylltwch â'r Tîm Cefnogi Pobl (gwybodaeth gyswllt islaw) os gwelwch yn dda.
Beth yw'r Grant Cymorth Tai?
Cyflwynwyd cynllun, comisiwn a monitro gwasanaethau cymorth cysylltiedig â thai ar gyfer pobl sy'n agored i niwed yn y gorffennol, y Grant Cymorth Tai 2019 (sef Supporting People Programme).Ìý Gellir diffinio cymorth sy'n gysylltiedig â thai fel 'gwasanaethau cymorth a ddarperir i unrhyw berson at ddiben datblygu gallu'r person hwnnw i fyw'n annibynnol mewn llety neu gynnal eu gallu i gynnal eu cartref'.ÌýÌýÌý
Mae enghreifftiau o gefnogaeth cysylltiedig â thai yn cynnwys:Ìý
- Help i sefydlu a chynnal cartref.
- Help i atal troi allan ac atal digartrefedd.
- Help i gael mynediad i wasanaethau eraill, cefnogaeth a rhwydweithiau cymdeithasol.
- Help i gael mynediad i addysg, hyfforddiant a chyflogaeth.
- Cymorth i hawlio budd-daliadau/cynyddu incwm.
- Help i drefnu a thrin arian.
- Help gyda phroblemau tai.
- Help gyda diogelwch personol/cymunedol, e.e. larymau cymunedol, ymddygiad gwrthgymdeithasol/troseddu.
- Help i gynyddu annibyniaeth.
- Help gyda sgiliau byw ymarferol a rhianta.Ìý
Fodd bynnag ni fedrir rhoi help gyda gofal personol.Ìý Dylech gysylltu â'r Adran Gwasanaethau Cymdeithasol os ydych angen y gwasanaethau hyn.Ìý
Mathau o wasanaethau Cefnogi Pobl
Mae llawer o amrywiaeth yn y mathau o wasanaethau sydd ar gael; gweler y rhestr ganlynol o enghreifftiau o wasanaethau Cefnogi Pobl:Ìý
- Cymorth fel y bo angen - mae gweithiwr cymorth yn ymweld â phobl yn eu cartrefi eu hunain i'w cefnogi i gynnal/cadw eu tenantiaeth/cartref. Darperir cymorth am gyfnod (yn dibynnu ar anghenion unigolyn).
- Hostel Digartref - darparu llety interim/dros dro ar gyfer pobl sy'n ddigartref.Ìý Cynlluniau tai gwarchod - tai gwarchod ar gyfer pobl sydd fel arfer dros 55 oed lle mae gan reolwr cynllun gysylltiad rheolaidd gyda thenantiaid a gwasanaeth larwm ar gael 24 awr y dydd ar gyfer argyfyngau.
- Tai gwarchod 24 awr - llety lle mae staff ar y safle 24 awr y dydd.Ìý Mae'n aml yn eiddo rhannu gydag ardaloedd cymunol megis lolfa a chegin ond gall hefyd gynnwys unedau hunangynhwysol gyda llety staff yn ymyl.
- Tai â chymorth (dim 24 awr) - megis uchod ond staff heb fod ar y safle 24 awr y dydd.
- Lloches Cam-drin Domestig - llety argyfwng/dros dro ar gyfer menywod neu ddynion sy'n ffoi rhag rais yn y cartref.
Pwy sy'n darparu'r cymorth?
Mae nifer ac amrywiaeth o ddarparwyr gwasanaethau Cefnogi Pobl yn gweithredu ym Mlaenau Gwent.Ìý Mae rhai ohonynt yn ddarparwyr eithaf bach a all fod yn cefnogi 2 neu 3 o bobl, eraill yn ddarparwyr mwy a all fod yn cynorthwyo 20 neu fwy o bobl ar unrhyw un amser.Ìý Mae darparwyr gwasanaeth yn cynnwys cymdeithasau tai, cyrff preifat, cyrff trydydd sector ac Adran Gwasanaethau Cymdeithasol Cyngor Bwrdeisdref Sirol °¬²æAƬ.
Cysylltwch â’r tîm Cefnogi Pobl os gwelwch yn dda i gael mwy o wybodaeth a chyngor neu i wneud cais am unrhyw un o’r ffurflenni a restrir islaw.
- Taflen Cymorth fel y bo’r Angen
- Cyfeiriadur Gwasanaeth Cefnogi Pobl
- Ffurflen Atgyfeirio Cymorth fel y bo’r Angen
Dogfennau Cysylltiedig
Gwybodaeth Gyswllt
Tîm Cefnogi Pobl
Cyfarwyddiaeth Gwasanaethau Cymdeithasol
Cyngor Bwrdeisdref Sirol °¬²æAƬ
Llys yr Einion
Stryd yr Eglwys
Abertyleri
NP13 1DB
Ffon: 07811068668, 07975773999, 07969652590.
Claire Davies, Swyddog Cynllunio, Monitro a Gwerthuso Claire.Davies@blaenau-gwent.gov.uk
Michelle Wyatt, Swyddog Cynllunio, Monitro a Gwerthuso michelle.wyatt@blaenau-gwent.gov.uk
Clare Congreve, Swyddog Cynllunio, Monitro a Gwerthuso clare.congreve@blaenau-gwent.gov.uk
Joanne Haycock, Gateway Co-ordinator, Joanne.Haycock@blaenau-gwent.gov.uk