Cynhaliwyd y seremoni wobrwyo yn y Swyddfeydd Cyffredinol, Glynebwy ar 26 Tachwedd 2019 i gynulleidfa lawn o gyflogwyr, prentisiaid, perthnasau a phartneriaid cysylltiedig.
Derbyniodd Jack Williams, Prentis y Flwyddyn, ei wobr gan Lee Waters, Dirprwy Weinidog Economi a Thrafnidiaeth Llywodraeth Cymru. Cafodd Jack, prentis yn Sogefi, ei gydnabod am ei foeseg waith ragorol i'r cwmni a hefyd ei ymroddiad i'w fframwaith a'i gydweithwyr mewn gwaith theori a gwaith ymarferol. Mae'r Sogefi Group yn gyflenwr byd-eang blaenllaw mewn rhannau gwreiddiol ar gyfer y diwydiant modurol gyda dros 35 mlynedd o brofiad. Mae Sogefi yn dylunio, datblygu a chynhyrchu systemau hidlo a chydrannau crogiant hyblyg yn ogystal â systemau rheoli aer ac oeri injan.
Dywedodd Lee Waters, Dirprwy Weinidog yr Economi a Thrafnidiaeth:
"Fel llywodraeth, rydym eisiau i Gymru fod yn genedl lewyrchus a ffyniannus. Mae Rhaglen Rhannu Prentisiaeth Anelu'n Uchel yn chwarae rôl hanfodol wrth gyflawni'n union hynny drwy gyfleoedd dysgu yn y gweithle a helpu busnesau i dyfu.
"Mae wedi cyflymu datblygu sgiliau a gweithredu fel hwylusydd i gyflogwyr sydd eisiau mabwysiadu deallusrwydd artiffisial a datblygu technegau gweithgynhyrchu uwch, gan rymuso pobl ifanc i ddatblygu'r wybodaeth sydd ei hangen i ddatgloi cyfleoedd gyrfa sgil uchel.
"Llongyfarchiadau i bawb yn y rownd derfynol a dymuniadau gorau oll iddynt ar gyfer y dyfodol."
| Categori Gwobr 2019 | Enillydd | Cwmni | Cyflwynwyd gan |
| Seren Lachar | Jack Hayman | Express Contract Drying | Richard Crook Cyfarwyddwr Corfforaethol Adfywio a Gwasanaethau Cymunedol |
| Model Rôl Rhagorol | Declan Hughes | Continental Teves | Claire Sexton Pennaeth Cyllid Continental Teves |
| Gwobr Mentoriaid Anelu'n Uchel °¬²æAƬ | Marcus Dyke | GTEM | Graham Rees a Julie Robins Mentoriaid Anelu'n Uchel |
| Cyflogwr Nawdd y Flwyddyn | Liberty Steel | Liberty Steel | Lee Waters AC Llywodraeth Cymru |
| Prentis y Flwyddyn | Jack Williams | Sogefi | Lee Waters AC Llywodraeth Cymru |
| Prentis Mewnol CBSBG | Jordan Harley | CBSBG | Michelle Morris Rheolwr Gyfarwyddwr CBSBG |
Fel enillwyr diweddar categori 'Cyflogwr Mawr y Flwyddyn' yng Ngwobrau Prentisiaeth Cymru, cafodd Rhaglen Rhannu Prentisiaeth °¬²æAƬ ei chydnabod yn genedlaethol am ddatblygu cysylltiadau gyda busnesau lleol, ynghyd â chyfradd lwyddiant eithriadol ar gyfer dilyniant prentisiaid i gyflogaeth lawn-amser.
Cafodd y cynllun ei sefydlu rhwng diwydiant, addysg a Chyngor Bwrdeistref Sirol °¬²æAƬ. Caiff ei gyllido drwy Lywodraeth Cymru a Pharth Menter Glynebwy i hwyluso a chefnogi busnesau lleol drwy recriwtio prentisiaid, gyda'r nod o lenwi'r bwlch sgiliau cynyddol o fewn gweithgynhyrchu lleol. Yn canolbwyntio i ddechrau ar beirianneg, mae'r rhaglen yn awr wedi datblygu i ddarparu lleoliadau prentisiaeth ar gyfer ystod eang o feysydd yn cynnwys llwybrau Peirianneg Fecanyddol/Trydanol, Ariannol, Technoleg Gwybodaeth a Phrentisiaethau Masnachol.
Mae tîm Rhaglen Rhannu Partneriaeth Anelu’n Uchaf °¬²æAƬ ar gael ar gyfer unrhyw gwmnïau a busnesau Gweithgynhyrchu Uwch ym Mlaenau Gwent a hoffai gael mwy o wybodaeth am gyflogi prentis. Cyylltwch ag Aspire ar 01495 355508 neu anfon e-bost at SAP@blaenau-gwent.gov.uk i gael mwy o gyngor a gwybodaeth.